Kreu i Kontrollit të Lartë të Shtetit, Arben Shehu, po raporton sot në Kuvendin e Shqipërisë për vitin 2024, duke prezantuar gjetjet e auditimeve mbi përdorimin e fondeve publike në institucionet shtetërore.
Sipas Shehut, gjatë vitit janë kryer auditime në 205 subjekte, prej të cilave 97 njësi qendrore dhe 75 njësi vendore. Auditimet kanë identifikuar shkelje në prokurimet publike dhe në zbatimin e kontratave, me parregullsi më të shpeshta në procedurat e nivelit vendor.
Ai theksoi se janë konstatuar kufizime të konkurrencës, vonesa në zbatimin e kontratave dhe kryerja e pagesave shtesë, duke evidentuar problematika të rëndësishme në menaxhimin e fondeve publike.
“Janë kryer disa auditime. Këto auditime janë kryer në 205 subjekte, prej të cilave 97 njësi qendrore dhe 75 njësi vendore. Janë identifikuar shkelje në prokurimet publike dhe zbatimin e kontratave. Auditimet kanë nxjerrë parregullsi në procedura, më të shpeshta në nivel vendor. Ka pasur kufizim të konkurrencës, ndërsa zbatimi i kontratave është bërë me vonesë. Janë kryer gjithashtu pagesa shtesë”, tha ai.
