Komisioni Qendror i Zgjedhjeve ka miratuar ndarjen e fondeve publike për partitë politike për vitin 2026, duke shpërndarë në total 345 milionë lekë nga buxheti i shtetit.
Sipas tabelës zyrtare, Partia Socialiste është përfituesja kryesore, me 1.6 miliardë lekë, e ndjekur nga Partia Demokratike me 811 milionë lekë.
Ndërkohë, Partia e Lirisë përfiton 109 milionë lekë, Partia Socialdemokrate 103 milionë lekë, Partia Mundësia 85 milionë lekë, Lëvizja Shqipëria Bëhet 71 milionë lekë, Lëvizja Bashkë 63 milionë lekë.
Nga fondet përfitojnë edhe partia “Nisma Thurje” e Avokatit të Popullit, Endri Shabani, 40 milionë lekë, si dhe partia Lulzim Bashës, Koalicioni Euroatlantik, 45 milionë lekë.
Një pjesë e konsiderueshme e fondeve shpërndahet edhe për partitë më të vogla dhe aleatët politikë. Kështu falë koalicioneve zgjedhore me PD, rreth nëntë forca politike që disave prej tyre nuk u dihet as zyrat ku i kanë, do përfitojnë financime nga buxheti i shtetit.
Shumica e tyre marrin nga 57 milionë lekë secila, mes të cilave Partia Drejtësi, Integrim dhe Unitet (PDIU), Partia Bashkimi për të Drejtat e Njeriut (PBDNJ), Partia Republikane (PR), Partia Agrare Ambientaliste (PAA), Partia Demokristiane (PDK), Lëvizja e Legalitetit (PLL), Fryma e Re Demokratike (FRD) dhe Partia Balli Kombëtar Demokrat (PBKD).
Këto fonde synojnë të mbështesin funksionimin vjetor të partive politike dhe aktivitetin e tyre organizativ.
