Kryebashkiaku i Rrogozhinës, Edison Memolla, pas vendimit të Apelit të GJKKO, është vetdorëzuar pasditen kesaj të hëne në Policinë e Rrogozhinës në zbatim të vendimit që la në fuqi dënimin e shkallës së parë: 1 vit burg dhe 5 vite heqje të së drejtës për ushtrimin e funksioneve publike.
Kryetari i Bashkisë së Rrogozhinës, Edison Memolla nuk ishte në seancë kur Apeli la në fuqi dënimin me 1 vit burg për korrupsion aktiv në zgjedhje në bashkëpunim, dhënë nga Gjykata e Posaçme më 24 janar të vitit 2025. Ai u përfaqësua vetëm nga avokati. Në fuqi u la edhe heqja e së drejtës për të mbajtur funksione publike për një periudhë 5 vjeçare.
Treshja e togave të zeza Florjan Kalaj, Daniela Shirka dhe Igerta Hysi vulosën vendimin duke mos pranuar kërkesën për pafajësi apo dënimin alternativ në shërbim prove për Memollën. Kryebashkiaku i Rrogozhinës është hetuar dhe gjykuar në liri, pa masë sigurie. Sipas burimeve bëhet me dije se kryebashkiaku i Rrogozhinës është vetëdorëzuar pasditen e sotme në policinë e Kavajës. Në polici janë vetëdorëzuar gjithashtu edhe Blerim Xhamani dhe Ndriçim Tafxhafa.
