Kryetari i Partisë Demokratike, Sali Berisha, në konferencën për mediat foli për detajet e dosjes McGonigal që dolën ditën e djeshme. Por si në çdo dalje, Berisha nuk kurseu as akuzat e radhës ndaj kreut të SPAK, Altin Dumani.
Kësaj radhe kreu i PD tha se Dumani është bashkëfajtor pasi, sipas tij, nuk ka nisur hetimet për kallëzimin që ka bërë opozita për çështjen McGonigal.
“Dosjen e McGonigal opozita e ka dorëzuar me kohë në Skrapin e partisë. Por në pafytyrësi dhe në bashkëfajësinë e tyre, Altin Troplini e ka mbajtur atë në sirtar. Në një kohë kur mjafton të kërkosh zyrtarisht dosjen e gjykatës së SHBA dhe gjithçka e ke të provuar dhe faktuar mbi aktivitetin kriminal të Edi Ramës. Por ai, si skllav, si mercenar i pakarakter, i inkriminuar gjer në palcë, njëlloj siç fsheh mandatin e arrestit për Pojën e Troplinëve, fsheh padinë e opozitës për krimet e shëmtuara të Edi Ramës”, u shpreh Berisha.
SPAK është duke hetuar rastin McGonigal që në vitin 2023, por nuk kanë dalë detaje se në çfazë janë hetimet. Megjithë nxitimin e kreut të PD për dosjen në fjalë, kujtojmë se McGonigal dyshohet se është përdor për të goditur opozitën në vitin 2021, periudhë kur Berisha nuk ishte kryetar i saj.
