Komisioni i Ligjeve pritet të mblidhet dhe të refuzojë tërheqjen nga firmat mbështetëse të një liste deputetësh, e cila i është bërë zyrtarisht prezente Kuvendit.
Më parë PD njoftoi edhe publikisht tërheqjen.
Në shkresë thuhej se:
“Nënshkrimet e deputetëve të opozitës janë dhënë përpara kualifikimit të kandidatëve nga Komisioni i Ligjeve, pavarësisht se kur kandidatët vetë i kanë depozituar në Kuvend dhe një pjesë prej tyre i kanë përdorur në kundërshtim me ligjin si propozim për votim (gjë që nuk është e vërtetë), në kuptim të nenit 9 të ligjit për Avokatin e Popullit.”
Komisioni i Ligjeve ka marrë ndërkohë një vendim që i është njoftuar edhe zyrtarisht grupeve parlamentare.
Sipas rregullave të paracaktuara nga vetë Komisioni i Ligjeve, “në kuptim të nenit 9 të ligjit për Avokatin e Popullit, 1 deputet mbështet vetëm 1 kandidat sipas ligjit”.
Sot Komisioni i Ligjeve njoftoi se i ka kaluar seancës 6 kandidatë që kanë siguruar kushtet ligjore:
1- Adriana Kalaja
2- Aranita Brahaj
3- Besim Ndregjoni
4- Endri Shabani
5- Skënder Haluci
6- Tartar Bazaj.
Kjo do të thotë që Komisioni i Ligjeve do t’i përcjellë për votim seancës plenare 6 emra me nënshkrues pothuajse të njëjtë.
Dhe jo 2 herë. Por plot 6 herë. Vetë Gaz Bardhi ka mbështetur për 4 kandidatë. Në reflektim të vendimit të Komisionit të Ligjeve “1 deputet mbështet vetëm 1 kandidat sipas ligjit”, Gazit i lind detyrimi të tërhiqet nga të paktën 3 prej mbështetjeve që sot nuk kuptohet pse i paska dhënë.
Nëse e krahasojmë këtë qëndrim të maxhorancës sot, me refuzim nga tërheqja e firmave, me atë të të njëjtës në vitin 2022, me pranimin e tërheqjes së firmave, mund të supozojmë që më në fund maxhoranca e paska gjetur Avokatin e preferuar të Popullit.
Mbetet të shihet nëse Berisha do e ankimojë në Gjykatën Kushtetuese edhe këtë si votim të parregullt.
Mundet që maxhoranca këtë e bën të gjithën thjesht edhe vetëm që në fund të dëshmojë për të disatën herë respektin ndaj vendimeve të Gjykatës Kushtetuese.
