Këshilli i Lartë i Prokurorisë ka vendosur që më 4 dhjetor katër kandidatët për postin e Kryetarit të SPAK të prezantojnë platformën e tyre dhe të japin intervistën përpara anëtarëve të KLP-së.
Sipas burimeve mediatike, kandidatët Adnand Xholi, Doloreza Musabelliu, Elvin Gokaj dhe Klodian Braho do të paraqiten në orën 10:00 të enjtes, më 4 dhjetor, në ambientet e KLP-së për të prezantuar vetveten dhe strategjitë e tyre për drejtimin trevjeçar të SPAK.
Pak kohë më parë, KLP kishte kualifikuar të gjitha kandidaturat si të vlefshme. Gjatë këtij muaji (nëntor) pritet të kryhen verifikime lidhur me pastërtinë e figurës, integritetin profesional dhe organizativ, si dhe përshtatshmërinë e kandidatëve.
