Pas një heshtje të gjatë më në fund Këshilli i Lartë Gjyqësor reagon pas sulmeve që kryeministri ka bërë në adresë të disa gjyqtarëve, por nuk guxon të përmendë emrin e Edi Ramës.
Në njoftimin për mediat Këshilli i Lartë Gjyqësor (KLGJ) thekson rëndësinë e pavarësisë së pushtetit gjyqësor dhe kërkesën për respektimin e këtij parimi nga të gjithë aktorët publikë dhe privatë. Megjithatë, KLGJ nuk përmend direkte të emrit të Kryeministrit Edi Rama, i cili ishte fokus i kritikave të fundit ndaj sistemit gjyqësor.
Në njoftim thuhet se “deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor”. Reagim i vakët pa, ky institucion kujton, por kujt nuk thotë konkretisht, se në çdo shoqëri demokratike, gjyqtarët janë garantues të barazisë së palëve para ligjit dhe duhet të ushtrojnë funksionin e tyre në mënyrë të pavarur, vetëm nën Kushtetutën dhe ligjet.
Ndaj dhe në pjesën që do duhej të përmendte emra, KLGJ shkruan se u bën thirrje subjekteve publike dhe private që të respektojnë këtë pavarësi dhe të kundërshtojnë vendimet gjyqësore vetëm përmes mjeteve ligjore të parashikuara, duke i drejtuar ankesa dhe pretendime tek institucionet përkatëse.
Në fund të njoftimit, Këshilli nënvizon se në një shtet të së drejtës, që sot aspiron të bëhet pjesë e Bashkimit Evropian, vetëm një sistem gjyqësor i pavarur mund të sigurojë drejtësi efektive dhe besimin e publikut.
