Ka nisur seanca plenare në Gjykatën Kushtetuese, ku po shqyrtohet ankimimi i ish-kryetarit të Bashkisë së Tiranës, Erion Veliaj. Në këtë seancë është i pranishëm vetë Veliaj, ndërsa përfaqësuesit ligjorë të Presidencës kanë kërkuar shpalljen e moskompetencës së Gjykatës Kushtetuese për shqyrtimin e këtij ankimimi.
“Anuloni vendimin për përfshirjen e dekretit në lëndën e këtij shqyrtimi, duam hapësirë për argumentet tona,” u shpreh përfaqësuesja ligjore e Presidencës gjatë seancës.
Pas kësaj kërkese, trupi gjykues është tërhequr për të marrë vendim në lidhje me kërkesën e paraqitur nga Presidenca.
