Gjatë mbledhjes së Komisionit për Nismat Qytetare dhe Mbikëqyrjen e Institucioneve, deputeti i Partisë Demokratike, Belind Këlliçi, kërkoi sqarime nga përfaqësuesi i Prokurorisë së Posaçme, Vladimir Mara, nëse SPAK është përballur me ndonjë sulm kibernetik.
Në përgjigjen e tij, prokurori Mara mohoi që një situatë e tillë të ketë ndodhur kohët e fundit.
“Në dijeninë time nuk kemi pasur problematikë të tillë”, tha ai, duke sqaruar se sistemi i Prokurorisë së Posaçme nuk është prekur nga asnjë incident kibernetik.
