Në një seancë të tensionuar të Kuvendit, deputeti i Partisë Demokratike, Flamur Noka, reagoi ashpër pas fjalës ironike të Taulant Ballës. Noka sulmoi kryeparlamentarin Niko Peleshi, duke e akuzuar si peng të kryeministrit Edi Rama dhe të “vrasësit të Xhavit Gurrës”.
Gjatë debatit, Noka përmendi edhe çështje të trafikut dhe lidhjeve të dyshuara të personazheve me krimin. Ai bllokoi foltoren, ndërsa Peleshi u detyrua të ndërpriste seancën për një pushim 5-minutësh, duke i tërhequr fjalën Nokës dhe duke paralajmëruar masë disiplinore.
Peleshi: Zoti Noka po ju tërheq fjalën
Noka: S’po kërcet mua se ca tërheq ti. Tërhiq ato 60 mega në Kolonjë se ato të mbajnë peng. Nga ushtar i Ramës, je shndërruar në ushtar të vrasëses të Xhavit Gurrës, si ka ndodhur kurrë kjo që ka ndodhur. Të flasë këtu ne emër të popullit të maxhoranvës, 009, Toyota Yaris, dhe të përfaqësojë pushtetin dhe maxhorancën, ushtari i Suel Çelës, personi 009 që gjendet në dosjet që Britania e Madhe disponon në trafikun e drogës, apo në dosjet e Brukselit, kjo tregon se jeni katandisur në bandë. Ti më dhimbsesh, ai 60 megëshi ty do të tërheqë dhe do të zhburrnojë (I drejtohet Pelshit)
Peleshi: Po merrni masën e dytë disiplinore, s’mund të bëni asgjë me dhunë.
Noka: A të dogji? E vërteta nuk fshihet, mos harroni.
