Kuvendi i Shqipërisë ka hapur zyrtarisht procedurat për zëvendësimin e krerëve të dy institucioneve kyçe të sistemit të drejtësisë, Këshillit të Lartë Gjyqësor (KLGJ) dhe Këshillit të Lartë të Prokurorisë (KLP).
Lëvizja vjen pas përfundimit të mandatit kushtetues të drejtuesve aktualë:
Mirela Bogdani – Kryetare e KLP.
Ilir Rusi – Kryetar i KLGJ.
Yllka Rupa – Zëvendëskryetare e KLGJ.
Ashtu si paraardhësit e tyre, anëtarët e rinj do të përzgjidhen nga radhët e trupës së pedagogëve të fakulteteve të drejtësisë dhe të Shkollës së Magjistraturës. Ky proces synon të plotësojë kuotat e "anëtarëve jo-magjistratë" në këto këshilla, duke garantuar përfaqësimin e botës akademike në vendimmarrjen e sistemit.
Kandidatët duhet të vijnë nga radhët e pedagogëve me eksperiencë të spikatur, të mos kenë mbajtur funksione politike në vitet e fundit.
