Kryeministri Edi Rama u rikthye sot, më 26 gusht, në zyrë ku zhvilloi një sërë takimesh me pjesëtarë të kabinetit.
Sipas raportimit të gazetareve pranë kryeministrisë, ministri i Financave, Petrit Malaj, ishte i pari që hyri në takim me Ramën, ndërsa më pas në godinë mbërritën edhe ministrja e Sipërmarrjes, Delina Ibrahimaj, si dhe zëvendëskryeministrja Belinda Balluku.
Burime pranë mazhorancës bëjnë me dije se bëhet fjalë për takime informale, por të lidhura me përgatitjet që kryeministri po bën për nisjen e sezonit të ri politik. Pritet që në ditët e para të shtatorit të mblidhet Asambleja e Partisë Socialiste, ku pritet të zyrtarizohen emrat e kabinetit të ri qeveritar. Interesi kryesor lidhet me shkallën e ndryshimeve që Rama do të sjellë në qeveri.
