Kontrolli i Lartë i Shtetit ka dorëzuar në Kuvend raportin e vitit të shkuar, duke dokumentuar një faturë të kripur të dëmit ekonomik të shkaktuar nga qeverisja qëndrore dhe ajo lokale. Të dhënat e siguruara nga VNA, tregojnë se fatura është 26,210,795,000 Lekë ose 273, milionë Euro.
Doganat & Tatimet mbajnë peshën kryesore të dëmit (mbi 75 milionë euro së bashku), kryesisht për shkak të keqklasifikimeve tarifore dhe trajtimit të pasaktë fiskal.
Tek Avokatura e Shtetit dëmi vjen nga menaxhimi i dobët i arbitrazheve ndërkombëtare dhe GJEDNJ-së, ku vonesat kthehen në kosto direkte për buxhetin.
AKU & AKUK, megjithëse shifrat janë më të ulëta në krahasim me doganat, dëmi këtu ka impakt të drejtpërdrejtë në shëndetin publik (siguria ushqimore dhe cilësia e ujit).
Tek Prokurimet Publike, raporti vëren një trend shqetësues të skualifikimit të ofertave më të ulëta pa argumentim, duke rritur kostot e kontratave shtetërore.
Lista e institucioneve kryesore të gjetura me dëm ekonomik:
Administrata Doganore 66,075,156 €
Avokatura e Shtetit 11,273,486 €
Zonat e Mbrojtura (AKZM) 10,338,204 €
Administrata Tatimore 9,926,931 €
Kadastra Tiranë (ASHK) 5,847,599 €
Porti i Durrësit 4,530,271 €
Bashkia Fier 2,450,939 €
Ujësjellës-Kanalizime (AKUK) 2,419,624 €
Autoriteti Kombëtar i Ushqimit 1,448,851 €
