Janë zëvendësuar drejtorët e ARRSH dhe KESH, disa javë pasi SPAK mori të pandehur dy drejtuesit që u larguan nga detyra.
Gentian Gjyli, aktualisht i pandehur nga SPAK për “shkelje të barazisë në tendera” dhe nën masën e sigurisë “arrest shtëpie”, është larguar nga drejtimi i Autoritetit Rrugor Shqiptar. Ai është zëvendësuar nga Ami Kozeli, i cili më parë ishte zëvendësministër i Infrastrukturës dhe Energjisë.
Në krye të KESH është emëruar Viola Haxhiademi, ndërsa drejtimi i institucionit më parë i përkiste Erald Elezit, i cili gjithashtu ndodhet në “arrest shtëpie” me vendim të GJKKO-së, i akuzuar për shkelje të barazisë në tendera.
Ndërkohë, Besjan Kadiu largohet nga pozicioni i zëvendësministrit të Infrastrukturës dhe emërohet Sekretar i Përgjithshëm në Ministrinë e Infrastrukturës.
Kujtojmë se Gentian Gjyli dhe Erald Elezi akuzohen për shkelje të barazisë në tenderë. Gjyli mbahet nën masë sigurie vetëm për tenderin e Llogarasë, ndërsa Elezi akuzohet për të dy procedurat tenderuese, Llogaranë dhe Unazën e Madhe.
