GJKKO shtyu sërish seancën e radhës për shqyrtimin në seancë paraprake të dosjes penale ndaj kryebashkiakut Erion Veliaj dhe 29 të bashkëpandehurve. Seanca shtyhet në 19 Janar.
Shkak i shtyrjes së procesit u bë mungesa e 2 prej avokatëve mbrojtës, një prej të cilëve avokatja kryesisht e caktuar për Veliajn. Burimet thanë se avokatja, përmes një emaili, kërkonte shtyrje për shkak se ndodhej jashtë vendit.
Në seancë nuk ka qenë prezent kryebashkiaku Veliaj. Ai akuzohet për 13 akuza penale, 9 prej të cilave për korrupsion. Nën akuzë është dhe bashkëshortja e tij Ajola Xoxa dhe 28 persona të tjerë, përfshirë edhe biznesmenë e ish-deputetja e PS-së Klotilda Bushka.
