Ilir Alimehmeti është pyetur sërish mbi mundësinë që të kandidojë për Bashkinë e Tiranës në zgjedhjet e pjesshme, ku përballë tij është Ogerta Manastirliut
I ftuar në emisionin “Log.” në News24, ai kujtoi se në garën e vitit 2022 kishte kohë të plotë për t’u përgatitur, ndërsa tani afatet janë shumë të ngushta.
“Unë kam garuar në 2022 në Primare për një proces që ishte në 2023. Qoftë dhe koha e mandatit, qoftë dhe koha e përgatitjes ishte e plotë, në këto momente jemi në kushte të ndryshme”, tha ai.
Deklarata e tij lë të kuptohet se kandidimi mbetet i vështirë, por jo plotësisht i përjashtuar, duke e mbajtur ende të hapur garën brenda opozitës për emrin që do të sfidojë socialistët në kryeqytet.
