Dua t’ju informoj se të hënën e ardhshme do të kem një nder: do t’i drejtohem Knessetit, parlamentit izraelit, si kryeministër i Shqipërisë, pa lejen e këtyre”, – kështu deklaroi dje në parlament, në formë ironike, kryeministri Edi Rama, duke shpallur edhe një tjetër thumb ndaj kundërshtarëve të tij politikë pas ftesës së Bordit të Paqes nga presidenti Donald Trump.
Duke e paketuar këtë si një ngjarje që i është ofruar personaliteteve të larta si presidenti amerikan, kryeministri shqiptar nuk e fshehu krenarinë që të hënën e ardhshme do të flasë para parlamentit izraelit, edhe pse në fakt vitin e fundit vizitat në këtë vend nga shtete të ndryshme europiane pas masakrave në Gaza nuk konsiderohen ndonjë mburrje e madhe diplomatike.
Ministri i diasporës së Izraelit, Amichai Chikli, që në muajin dhjetor e ka shpallur aktivitetin qeveritar ku pritet të flasë Edi Rama. Në njoftimin e tij ishte e planifikuar të fliste në panel dhe deputetja Romina Kuko ndërsa i ftuar në këtë event është dhe kryetari i grupit parlamentar të PD Gazment Bardhi
