Komisioni Qendror i Zgjedhjeve është duke kontrolluar shpenzimet e partive politike dhe kandidatëve në zgjedhjet e 11 majit. Pasi ka marrë shpenzimet që subjektet kanë deklaruar, KQZ gjithashtu po grumbullon informacion zyrtar nga mediat përkatëse për të kryqëzuar të dhënat nëse ato përputhen me njëra tjetrën.
Kështu, komisioni ka kërkuar faturat e pagesave që kanë bërë kandidatët në media të ndryshme, përfshirë edhe median lokale.
Tashmë kanë mbërritur të dhënat e para. Shkresat e siguruara nga VNA, japin informacion për një televizion të vetëm lokal, me audiencë të kufizuar.
Ajo që kuptohet është se të dyja palët janë kujdesur të paguajnë këtë media të vogël gjatë fushatës, me shumë thuajse të ngjashme për të gjithë kandidatët e interesuar, duke vërtetuar, se të gjitha xhepat duhen kënaqur përpara zgjedhjeve.
Edhe pse dukshëm më shumë socialistë kanë investuar para në këtë media, edhe dy demokratë nuk janë kursyer. Më poshtë të dhënat e sakta të pagesave, të cilat ilustrojnë vetëm një segment se si kandidatët dhe partitë kënaqin të gjitha hapësirat e mundshme në fushatë, për propagandë ose për të frenuar qasjet kritike.
PD:
Luçiano Boçi 1500 euro
Kliti Hoti 1500 euro
PS:
Xhenis Çela 1500 euro
Enertil Cenaj 1000 euro
Edona Bilali 1500 euro
Besmir Lesha 1200 euro
Kejsi Spahija 1000 euro
Onid Bejleri 1500 euro
