Sot, për herë të dytë, ish-kryebashkiaku i Tiranës, Erion Veliaj, do të paraqitet në Gjykatën e Lartë, me shpresën për të rifituar lirinë. Kolegji penal do të shqyrtojë çështjen në dhomë këshillimi dhe do të vendosë nëse do të lehtësojë ose jo masën e sigurisë ndaj tij.
Veliaj pretendon se nuk ekziston asnjë rrezik për prishje të provave, pasi hetimet kanë përfunduar dhe dosja është dërguar për gjykim. Nga ana tjetër, SPAK argumenton se ai mund të intimidojë dëshmitarët, për sa kohë ata nuk e kanë dhënë ende dëshminë para gjykatës – çka mund të përbëjë provë.
Erion Veliaj po përballet me 13 akuza penale, ndërsa bashkëshortja e tij, Ajola Xoxa, akuzohet për 11 vepra penale.
