Gjykata e Lartë shqyrton më 28 maj rekursin e radhës së kryebashkiakut të Tiranës, Erion Veliaj, që kërkon heqjen e masës së sigurisë “arrest me burg”.
Rekursi është depozituar më datë 6 maj, vetëm 2 ditë pas vendimit unifikues të Kolegjeve të Bashkuara të Gjykatës së Lartë, që ndryshoi pjesërisht praktikën gjyqësore për masat e sigurisë.
Kryebashkiaku ka kërkuar lirimin edhe kundrejt garancisë pasurore.
Veliaj po gjykohet në GJKKO për korrupsion, pastrim parash e fshehje pasurie. Ai mbahet në paraburgim prej 10 shkurtit 2025.
