Deputeti i PS, Erion Braçe, ka reaguar sërish në lidhje me ambicien që ka shfaqur për të kandiduar për bashkinë e Tiranës. Në një video në facebook, Braçe thekson se e ka shumë seriozisht dhe do i shkojë deri në fund.
“Jooo, nuk po tallem! E kam seriozisht e do i shkoj deri ne fund. Bashke me ju”, shprehet ai.
Braçe nuk kursen edhe fjalët ngashëryese si të adashit të tij me mbiemër Veliaj, duke thënë se “nuk është ambicie personale, por është një mundësi për të zhvilluar këtë qytet”.
Në fund, duke iu drejtuar ndjekësve të tij në facebook, ai i çon dhe një mesazh shefit që duhet t’ia miratojë dëshirën e madhe për të drejtuar kryeqytetin, duke thënë se “është një mundesi shume e madhe per ta zhvilluar kete qytet ne nje dimension te ri, perfshires e ku gjithsecili gjen jo veten e tij, jo jeten e tij por te miren e tij”, shprehet Braçe.
