Kreu i Partisë Demokratike, Sali Berisha, është paraqitur në SPAKnë zbatim të masës së sigurisë “detyrim paraqitje” të vendosur ndaj tij.
Berisha është ndalur për të folur me gazetarët, ku ka replikuar edhe me gazetaren Klodiana Lala lidhur me dosjen e njohur si “Balluku” dhe pretendimet për mbajtjen e saj të fshehtë nga Partia Demokratike.
Berisha u shpreh se nuk do të publikojë detaje të dosjes për shkak të pranisë së dëshmitarëve dhe bashkëpunëtorëve të drejtësisë, të cilët sipas tij duhet të mbrohen.
“Në atë dosjen ‘Balluku’, të garantoj se po të isha paditës do ta bëja publike. Por këtu jam palë dhe jam i detyruar. Aty ka dëshmitarë dhe bashkëpunëtorë të drejtësisë dhe unë në asnjë rrethanë nuk pranoj që ata të tradhtohen. Ata janë njerëz të çmuar që kanë vendosur t’i shërbejnë drejtësisë me dëshmitë e tyre,” tha Berisha.
Ai shtoi se publikimi i identitetit të të penduarve do të dëmtonte procesin hetimor dhe se Partia Demokratike mbështet plotësisht hetimet.
“Ne jemi për mbështetje të plotë të hetimeve. Nuk mund të nxirren në treg bashkëpunëtorët e drejtësisë,” theksoi ai.
