Mesila Doda, e cila garoi në zgjedhjet parlamentare nën siglën e PDIU-së së Shpëtim Idrizit dhe siguroi mandatin e deputetit nga lista e mbyllur e Partisë Demokratike në Tiranë. Por ajo do të ushtrojë funksionin e saj si deputete e pavarur në Kuvend.
Arsyet vendimit të saj ende nuk dihen, por vjen në një moment kur opozita ka vendosur të strukturohet në tre grupe parlamentare, ndërsa disa prej partive më të vogla po bashkojnë forcat me deputetë të Partisë Demokratike për të krijuar grupet përkatëse.
Kështu grupi parlamentar i PD zvogëlohet akoma më shumë duke shkuar në 35 deputetë, ose 2.5 herë më të vogel sesa grupi i PS.
Ndërkohë, është bërë publik edhe grupi i tretë parlamentar i opozitës, i cili do të drejtohet nga Fatmir Mediu i Partisë Republikane. Për të përmbushur kuotën prej shtatë deputetësh të nevojshëm për formimin e një grupi parlamentar, Mediu është bashkuar me Vangjel Dulen (PBDNJ), Artan Lukën (PAA), Greta Bardelin (PD), Denisa Vatën (PD), Zija Ismailin (PD), Fidel Krekën (PD).
