Në një postim në rrjetin social X, Divizioni Penal i Departamentit të Drejtësisë në SHBA njofton se Ndihmës Prokurori i Përgjithshëm A. Tysen Duva dhe programi OPDAT kanë pritur një delegacion prokurorësh dhe hetuesish nga SPAK, të kryesuar nga drejtuesi i ri Klodian Braho.
Sipas njoftimit, takimi u zhvillua për të mirëpritur drejtimin e ri dhe për të forcuar partneritetin në luftën kundër krimit të organizuar ndërkombëtar dhe korrupsionit.
Gjatë vizitës, përfaqësuesit e SPAK zhvilluan takime edhe me struktura të tjera amerikane të zbatimit të ligjit, përfshirë Departamentin e Drejtësisë përmes programit ICITAP, FBI-në dhe DEA-n.
Në postim theksohet gjithashtu mbështetja e Departamentit Amerikan të Shtetit përmes INL për realizimin e këtij bashkëpunimi.
