Delegacione BE-së në Tiranë i ka quajtur spekullime deklaratat e kreut të PD, Sali Berisha, i cili para dy ditësh tha se Ambasadori i BE-së në Shqipëri Silvio Gonzato jepte deklarata deformuese në Bruksel lidhur me Shqipërinë dhe PD.
Në një reagim për Euronews Albania ka thënë se nuk kanë asnjë koment sipas tyre mbi spekulimet.
Në deklaratën për mediat të ditës së hënë, Berisha akuzoi Gonzaton duke thënë se sillet në Bruksel sikur është ambasador i Edi Ramës.
Kryedemokrati pretendoi se ambasadori i BE, duke folur për skandalin e AKSHI-t në Bruksel, është shprehur se pengmarrja nuk është kulturë e shqiptarëve. Sipas Berishës, ky është ofendim ndaj shqiptarëve dhe se tek AKSHI bëheshin pengmarrje për interes të kunatit të Ramës.
Berisha vijoi më tej me akuzat ndaj Gonzatos, duke thënë se ky i fundit është shprehur në Bruksel se agjenda e PD është MAGA. Ai tha se kjo është një gënjeshtër e radhës e ambasadorit, pasi agjenda e demokratëve është integrimi i Shqipërisë në BE.
Kjo nuk është deklarata e vetme që kreu i PD bën kundër ambasadorit të BE në Tiranë. Më herët, Berisha është përplasur edhe për ligjin për barazinë gjinore.
