Në kryesinë e Kuvendit po zhvillohet mbledhja e konferences së kryetarëve. Në diskutim është rendi i ditës i Kuvendit por dhe dy kërkesat e opozitës për komisione hetimore. PD ka kërkuar komision hetimor për Autoritetin Rrugor Shqiptar dhe investimet që ky institucion ka bëre dhe për AKSHI-n.
Mbledhja ka nisur me debate ku Bardhi ka vijuar akuzat ndaj Peleshit për shkelje të rregullores. Sipas kreut të grupit parlamentar demokrat Gjykata Kushtetuese i ka dhënë të drejtë opozitës në lidhje me kërkesat për komisionet hetimore.
“Me vetëdije ju e keni shkelur Kushtetutën. Dhe jo një herë, por dy herë. Me 8 me 0, Gjykata Kushtetuese ka thënë se Kryetari i Kuvendit e ka hedhur në erë Kushtetutën. Pra, Gjykata Kushtetuese na dha të drejtë për shkarkimin tuaj, por ju e keni rrëzuar atë me votë politike.
Prandaj, ndryshimet e rregullores nuk janë emergjente, sepse Gjykata Kushtetuese nuk e ka zbardhur ende vendimin. Pra, nuk ka çështje urgjente për ta trajtuar. Po ju them: Gjykata Kushtetuese nuk e ka zbardhur vendimin.
Prandaj, jua kërkoj me mirësjellje të bëheni garant i Kushtetutës. Parlamenti nuk mund të jetë tekë”, është shprehur Bardhi.
