Ilirjan Celibashi sot ka publikuar shkresën me të cilën i kërkon Komisionit Rregullator që të mblidhet për të shpallur rezultatin përfundimtar te Zgjedhjeve të 11 Majit për Kuvendin.
Por dje Kolegji Zgjedhor rrëzoi me vendim praktikën antiligjore dhe në kapërcim të kompetencave, që Ilirjan Celibashi kish ndjekur për ndarjen e mandateve.
Kolegji Zgjedhor ish i detyruar të shprehej brenda lëndës së kërkimit që i bëhej atij. Ndaj është afër mendsh që Kolegji Zgjedhor do të shprehej për mandatet e subjektit “Nisma Shqipëria Bëhet”, dhe do të rrëzonte si të kundraligjshme ato akte të Komisionerit.
Por paligjshmëria e Komisionerit nuk është ndalur vetëm në ndarjen e mandateve të këtij subjekti zgjedhor.
Kjo paligjshmëri prek edhe mandate të subjejteve të tjera.
Celibashi duhet të tregojë me akte zyrtare nëse këto ndarjet e mandateve me kriterin “kush pyet për ligjin”, janë nxjerrë si reflektim i natyrës së tij shpërfillse ndaj ligjit, apo ka pasur ndonjë motiv tjetër që e bëri ta shkelte më me qejf ligjin.
Kuvendi nuk mund të pranojë njëkohësisht edhe të mandatuar sipas kritereve enigmatike “alla Celibashi” edhe sipas kritereve të Kolegjit Zgjedhor që i deklaruan të kundraligjshme dhe në kapërcim të kompetecave këto kriteret e Komisionerit që nuk pyet për ligjin.
Përse Komisioneri Celibashi nuk reflekton ndryshimet edhe në aktet e tjera të nxjerra nga ai vetë lidhur me mandatet e që prekin edhe subjekte të tjera zgjedhore?
Nëse nuk është fodullëk, çfarë përkthimi tjetër ka kokëfortësia e Komisonerit që nuk pyet për ligjin?
