Ministri i Bujqësisë, Andis Salla u shfaq sot në siklet përballë pyetjeve direkte të deputetit Erion Braçe i cili e thirri në interpelancë duke i ngritur problematika serioze, si:
· Kriza e bujqësisë dhe rënia e saj nga muaji në muaj
· Me çfarë prodhohet djathi e gjiza në vend kur fermerëve nuk u grumbullohet qumështi
· Çfarë masash po merren për pikat e grumbullimit dhe dekurajimin e importit që dëmton produktin vendas
· A po merren masa për të frenuar rritjen e çmimit të frutave dhe perimeve
Vetë ministri dha përgjigje të përgjithshme dhe parimore e jo të drejtpërdrejta, me lëkurën që i skuqej e zërin që i mekej.
Kjo e detyroi Braçen të dalë në foltore e të thotë:
“Nuk me vjen mirë që më del fjala që kam thënë në nëntor, por jam thellësisht e dëshpëruar që nuk dëgjoni. Po pse nuk uleni more, pse nuk i bëni gjërat si duhet? Pse jep lekë për kokë bagëtie, po jepi lekë për çdo litër qumësht apo kilogramë produkti. Keni hequr naftën që ishte falas për bujqit në një moment krize. Nuk bëhet kjo në kohë krize, kur nuk e dimë si do shkojmë, janë rritur kostot. Kemi plehrat kimi ministër, dhe është kritike. Po si more u dyfishuan çmimet menjëherë sapo ranë raketat atje. A po merret njeri me këtë? I kanë sjellë mallrat që vjet, s ka lidhje me luftën. Vijini fre abuzimit, ndryshe fshatarët nuk do të marrin dot frymë.”
Tonet e ngritura të deputetit, nuk e bëri qeverinë të reflektojë. Por garda e republikës nuk e lejoi Braçen të fusë në Kuvend perimet për të ilustruar në foltore se çmimet kanë arritur kulmin.
