Deputeti i Partisë Demokratike dhe njëkohësisht kryetar i Forumit Rinor të PD-së, Besart Xhaferraj, është shfaqur sot në protestën kombëtare të organizuar nga “Shqipëria Bëhet”, nën drejtimin e Adriatik Lapajt, duke thyer akullin mes dy kampeve opozitare.
Prania e Xhaferrajt, një nga figurat drejtuese të rinisë demokrate, shihet si sinjal i qartë se PD dhe “Shqipëria Bëhet” po lënë mënjanë përplasjet e mëparshme dhe po lëvizin drejt një afrimi politik.
Në këtë kontekst, pritet që të hënën Adriatik Lapaj të mos tërhiqet nga pozicioni i tij pranë Kryeministrisë për t’i lënë vendin Sali Berishës, por që foltorja e protestës së PD-së të organizohet në bashkëpunim mes dy forcave opozitare, si një tjetër shenjë e koordinimit të ri.
