Kreu i Partisë Demokratike, Sali Berisha nga selia blu bëri thirrje qytetarëve që t'i bashkohen tubimit të sotëm në orën 18:00. Sipas Berishës, ky mision është shansi i jetës për cdo qytetar shqiptar për të rrëzuar regjimin ashtu si në Bangladesh dhe Nepal.
"Tirana po zien, Shqipëria po zien dhe se protesta e sotme do të shënojë kthesën e madhe, do të shënojë kthesën drejt fitores të çdo qytetari të këtij vendi”, tha Berisha
Në fjalën e tij, kreu i PD i ndal tek dosja e AKSHI-t, kryedemokrati u shpreh se “ai ishte kopshti privat i Edi Ramës, lulet i ujiste Linda e Surrelit, ndërsa kopshtar ishte baxhanaku i kryeministrit”.
Edi Rama pa dorëzuar veten e vet nuk dorëzon Lubi Ballukun. Sic keni dëgjuar nga dosja e plotë demi dhe vjedhjet shkojnë në 1.2 miliard vetëm në këto dosje, aty hajduti i parë është Edi Rama.
Krahas tyre ju keni dëgjuar se ka dalë edhe dosja e baxhanakut, e kopshtit privat të Edi Ramës apo AKSHI-t. Lulet e atij kopshti i ujiste Linda, jo Linda e AKSHI-t, por ajo e Surrelit. Kopshtari i atij kopshti ishte Frangu, baxhanaku i Edi Ramës.
I pyetur nga gazetarët për përshkallëzim në parlament, sikurse herën e kaluar, kur pati tensione dhe kaos, ai tha: "Opozita e ka të qartë që Rama po bën çdo gjë për të mos e kaluar në parlament. Sa i përket qëndrimeve tona, ne nuk e bojkotojmë parlamentin. Luftën do e bëjmë në parlaent me të gjithë fuqinë dhe mbështetjen tonë. Do e shndërrojmë parlamentin në tempullin e lirisë. Nuk marrim pjesë në asnjë nga Komisionet ku negocioheshin reformat me narkomazhorancën" .
