Kryetari i Partisë Demokratike, Sali Berisha, ka përshëndetur vendimin e Gjykatës Kushtetuese për pezullimin e zgjedhjeve vendore në Tiranë, duke e cilësuar atë si një akt në mbrojtje të rendit kushtetues.
“Mbrojtën Kushtetutën nga armiqtë e saj, nga horrat e shtetit,” deklaroi Berisha në një prononcim për mediat. Ai shtoi se kishte paralajmëruar paraprakisht “skenarin e Edi Ramës për të anashkaluar Gjykatën Kushtetuese me pretendimin banal se Këshilli i Ministrave ishte noter i Këshillit Bashkiak”.
Sipas Berishës, me këtë vendim, gjyqtarët i kanë bërë një shërbim vendit dhe rendit kushtetues, duke “i vënë vulën e turpit Edi Ramës, presidentit të tij kukull dhe të gjithë atyre që u përfshinë në këtë akt antikushtetues”.
