Ish-kryeministri Sali Berisha ripërsëriti akuzat ndaj Ilir Prodës, për lidhje me grupe kriminale, por tha se u shkarkua për shkak se nuk mbrojti vilën e ish-diktatorit Enver Hoxha, vilë të cilën Edi Rama e ka adhurim.
“Ai u largua i shënjuar nga ne, si një armik i ligjit, si bashkëpunëtor i bandave. Por druaj se ai u largua për shkak se nuk ka mbrojtur vilën e Enver Hoxhës”, tha Berisha.
Ai reagoi ashpër pas komandimit të Sokol Bizhgës në krye të Policisë së Shtetit, deri në emërimin e pasuesit të Prodës.
“Një armik i egër i ligjit, një tradhtar bashkëluftëtarit të tij, i kolegut të tij, që e dogjën të gjallë në makinë kriminelët, Gjergj Mehmetin dhe ky ja mbathi. Dhe del e thotë se kalova nëpër kodra e male. Ky është një tradhtar, që meriton të dënohet për tradhti të lartë ndaj kolegut, të paktën 30 vite dhe prandaj e vuri Edi Rama. Hoqi këtë prodën se nuk mbrojti Vuilën e Emnverit dhe vuri këtë kundër opozitës. Por ta dinë mirë, se opozita e ka të dënuar atë”, përfundoi Berisha.
Gjatë sulmit më molotovë mbi vilën e ish-diktatorit në zonën e ish-bllokut, ndodheshin shtatë shtetas francezë. Pas këtij incidenti që solli reagimin e ndërkombëtarëve, Edi Rama shkarkoi kryepolicin Proda.
