Kryetari i PD-së, Sali Berisha ka treguar se ka pasur takime me disa prej demokratëve, përfshirë dhe ata që para disa ditësh konsumuan një kafe në grup — takim që u komentua gjerësisht si një lëvizje e re brenda PD-së.
Në një konferencë për mediat, Berisha theksoi se demokratët janë të lirë në vendime dhe veprime.
"Kam pritur dhe pres persona që më kërkojnë takim ose persona që i thërras për arsye pune. Kjo parti ka forumet e veta dhe ka forume demokratike. Në të cilat çdo anëtar dhe drejtues është i ftuar që të japë çdo mendim. Një kafe absolutisht është e lirë. Ata kanë ardhur, kam biseduar. Këta personazhe janë vlerë e çmuar e PD-së.”, tha ai.
