Kreu i Partisë Demokratike, Sali Berisha, ka folur për mediat pas daljes nga SPAK, ku është pyetur nëse ka marrë një fletëthirrje në lidhje me çështjen e 21 janarit.
Berisha deklaroi se hetimi i plotë i ngjarjes është në interesin e tij dhe të PD-së, duke e cilësuar demonstratën e 21 janarit 2011 si “më të dhunshmen, me axhendë politike për përmbysjen e pushtetit”.
“Zbardhja e kësaj çështjeje është në interesin më të madh të Sali Berishës dhe PD-së. Nuk ka pasur asnjë urdhër nga askush dhe nuk do e gjejnë kurrë, sepse nuk ka ekzistuar. Garda ka vepruar sipas ligjit të miratuar nga mazhoranca socialiste, para se ne të vinim në pushtet,” tha Berisha.
Ai shtoi se është i gatshëm të paraqitet për çdo fletëthirrje që mund t’i bëhet nga drejtësia:
“Unë paraqitem në çdo rast. Kam konceptet e mia për shtetin dhe i kam vërtetuar ato,” përfundoi Berisha.
