Kreu i Partisë Demokratike, Sali Berisha, ka kritikuar ashpër foltoren e zhvilluar nga Ervin Salianji në Durrës, duke e cilësuar atë si një takim për axhendë personale.
Sipas Berishës, pjesëmarrësit në këtë takim ishin një grup i pakënaqurish që nuk u futën në listat për deputetë, ndërsa disa të tjerë, që sipas tij kanë punuar për Partinë Socialiste, kanë frikë nga analiza që do të bëhet në strukturat e PD-së.
Ata ishin një grup të pakënaqurish sepse nuk u futën në listat për deputetë. Kishte të tjerë që punuan për PS-në dhe kanë frikë për analizën që u bë.
Prandaj duhet analiza në parti, sepse ata që i kanë tradhtuar militantët, sigurisht që do japin hesapin para strukturave. Ata që morën pushimet turistike në fushatë.
Do ketë një llogaridhënie të plotë nga të gjithë strukturat”, tha ndër të tjera Berisha.
Berisha gjithashtu përgëzoi demokratët e Durrësit që sipas tij braktisën këtë takim, duke theksuar se veprimet e pjesëmarrësve reflektojnë qëllimet e tyre personale dhe jo interesin e partisë.
