Kreu i PD, Sali Berisha, nuk ka pritur që Altin Dumani, të përfundojë me pyetjet për të shfaqur revoltën e tij ndaj kreut të SPAK.
Berisha u ngrit nga vendi duke kërkuar që Dumani të lexojë pyetjet një për një në mënyrë që t’u përgjigjjet.
“Lexoji të gjitha, të plota dhe përgjigju! Cila është pyetja, një për një, të lexohet dhe jo kështu. Lexohet njëherë pyetja e plotë dhe pastaj jepet përgjigja, nuk mund të bëhet kështu dhe hajt”, u shpreh Berisha nga vendi.
Kjo është përballja e parë publike e Berishës me kreun e SPAK, të cilin e ka sulmuar në çdo dalje të tij që kur është vënë nën hetim nga Prokuroria e Posaçme.
