Kreu i Partisë Demokratike, Sali Berisha, nga Foltorja para Kryeministrisë ka lëshuar akuza të forta ndaj kryeministrit Edi Rama, duke e krahasuar atë me presidentin e Venezuelës, Nicolas Maduro, dhe duke paralajmëruar se do të përballet me të njëjtin fat.
Gjatë fjalës së tij në Foltoren e gjashtë të opozitës, Berisha akuzoi qeverinë për skandale korruptive, ndërsa kërkoi largimin e saj dhe përballjen me drejtësinë. Ai deklaroi se viti 2026 do të shënojë rrëzimin e “narkodiktaturave dhe autokracive”.
"Siç preferon Maduro pijet e forta, ky Ramaduro preferon shishet e verës 33 mijë euro. Me Lindat e tij dhe me aferat e AKSHI-t. Nëse Linda e Maduros vinte taksat për drogën atje, Olsi i Ramaduros instalonte fabrikën e parë të drogës në Xibrakë”, tha Berisha.
Nuk themi që forcat delta të zbarkojnë në Surrel, ja ku i ke Deltat tonë, ja këta, do zbarkojnë në Surrel. Këta Deltat tanë do vijnë në Surrel. Si Maduro edhe ti do përfundosh në gjykatë, bashkë me Lindat dhe të tjerët”, tha kreu i opozitës shqiptare.
Berisha theksoi se Rama dhe bashkëpunëtorët e tij do të rrëzohen nga “delta e opozitës”.
