Kreu i Partisë Demokratike, Sali Berisha, është paraqitur sot në SPAK, në përmbushje të masës “Detyrim paraqitje” të vendosur nga gjykata lidhur me aferën “Partizani”.
Pas daljes nga SPAK, Berisha sulmoi kreun e këtij institucioni, duke e quajtur Altin Troplini, dhe deklaroi se Dumani është “avokat i karteleve qeveritare të drogës”.
“Pas aktit të tij të shëmtuar të fshehjes në xhep dhe të mosekzekutimit të urdhrit të arrestit për Troplinët, gjersa ata u arratisën. Sot dhe përgjithmonë ia do mbetet si Altin Troplini dhe avokatit më kryesor të karteleve qeveritare të drogës, ju jeni dëshmitar se unë kam paraqitur para jush, bashkëpunimin e ngushtë të Taulant Ballës me Suel Çelën, bisedën e tij të famshme telefonike ku i thotë Suel çelës se ne po e arrestojmë kundërshtarët e ty”, tha Berisha
Ai nuk ndaloi me kaq, duke përsëritur edhe akuzat ndaj gjyqtares Irena Gjoka, dhe duke pretenduar se ka qenë e dënuar dhe dëbuar nga Greqia, si dhe duke akuzuar KLGJ-në se e ka mbrojtur.
“Rikujtoj shqiptarët se si Edi Rama, produkti më kriminal në Evropë i George Soros dhe Altin Troplini mbrojnë delinkuenten dhe fytyrën e vërtetë të drejtësisë Irena Gjoka. Me datën 26 tetor, avoketërit e mi, paraqesin kërkesën për dorëheqje dhe konflikt interesi në vitin 1996, por Irena, Kryetarja e gjykatës më speciale të Shqipërisë nuk pranoi dhe iu tha avoketërve se a keni dokument ju për këtë gjë. Në nëntor 2023, KLGJ iu jep avoketërve të mi vendimin për shkarkimin e Irena Gjokës. Por dy javë më pas e njëjta KLGJ me urdhër politik. Në nëntor KLGJ iu thotë deputetëve se s’ka vendimmarrje pasi kishte dhënë dy javë më parë dhe tani thotë nuk ka vendimmarrje për shkarkimin e saj në 96. Në vitin 2023, kërkesën e avoketërve të mi, ajo i përgjigjet nuk pranoj të jap dorëheqje se ka qenë vendim kolegjial. Në 2024, Gazeta greke Ta Nea boton shkrimin se Irena Gjoka është dëbuar nga Greqia." tha Berisha
