Kreu i PD, Sali Berisha, është i gatshëm që të ulet në tryezë me Ramën për të ulur numrin e deputetëve në Parlament, por me kushtin që Kuvendi të bëhet me dy dhoma.
Në konferencën e sotme për mediat, Berisha gjithashtu tha se nuk do e kishte problem për të nfryshuar dhe kushtetutën nëse Shqipëria vendos që të ketë senat në Parlament.
“Senati është i dobishëm, shumë vende e kanë ka të tjera që se kanë. Shqipëria nëse vendos të ketë senat duhet të pakësojë numrin e deputetëve. Për Bashkitë them të jenë më shumë. Ne kemi vënë një kusht që është pranuar. Kushti ynë është që në komisionin për Reformë Zgjedhore të jetë ODHIR. Për reformën territoriale të jenë ekspertët e kongresit të autoriteti rajonale, të Europës, pranë Këshillit të Europës. Kanë ekspertizën më të mirë të pushtetit vendor. Nuk ka asgjë për prekje të kushtetutës aty, por nëqoftëse është problemi për të përcaktuar senatin në kushtetutë, jam gati. S’kemi komplekse aty”, tha Berisha.
Duket se ky është një mesazh i radhës i Berishës për bashkëpunim me Ramën, të cilët nëse do bien dakord, do jetë hera e dytë që ulen për të ndryshuar Kushtetutën e vendit pas atij të vitit 2008.
