Kryetari i Partisë Demokratike, Sali Berisha, ka deklaruar se mbledhja e Këshillit Kombëtar e PD-së u vonua për shkak të mbrojtjes së votës së shqiptarëve.
Mbledhja e sotme e Këshillit Kombëtar ishte e para pas humbjes së thellë të PD-së në zgjedhjet e 11 majit, ndërsa Berisha theksoi se kushdo që pretendon se Edi Rama fitoi zgjedhjet, qoftë me dashje apo pa dashje, po justifikon farsën elektorale.
Kreu i PD-së u shpreh i bindur se mazhoranca nuk do të kishte arritur fitore pa përdorur “tre shtylla” kryesore, fondet e buxhetit të shtetit, bandat kriminale dhe administratën elektorale.
Berisha tha se Partia Demokratike ka treguar deri tani ‘muskujt’, por pranoi se nuk ka bërë ende mjaftueshëm për të rrëzuar Edi Ramën nga pushteti. Ai premtoi se PD do të përshkallëzojë protestat deri në greva urie, apo demonstrata të fuqishme.
