Zëvendëskryeministrja, Belinda Balluku, ka dalë nga ambientet e SPAK, ku u mor për rreth 40 minuta në pyetje. Ajo ka folur për mediat por nuk dha shumë detaje për çështjen që ishte thirrur.
Balluku u shpreh se ka pranuar një kërkesë të Prokurorisë së Posaçme për një çështje që është nën hetim. Zëvendëskryeministrja gjithashtu tha se është shpresëplotë që i gjithë procesi do jetë i bazuar në llogaridhënie dhe parimet e drejtësisë.
“Në respekt të organeve të drejtësisë kam pranuar kërkesën e SPAK për një çështje në hetim. Si zyrtare publike e shoh si një proces që jam shpresëplotë që do të jetë i bazuar në llogaridhënie dhe parimet e drejtësisë”, tha ajo.
Kujtojmë se Balluku si avokate ka marrë motrën e saj Pamela Qirko, e cila ka qenë ish-kryetare e Komisionit të Pavarur të Kualifikimit.
