Një ditë pasi Kuvendi me 82 vota pro vendosi të rrëzojë kërkesën e SPAK për leje për të arrestuar Belinda Ballukun, ish-zv.kryeministrja dhe ish-ministrja e Infrastrukturës dhe Energjisë vë në lëvizje Gjykatën e Posaçme.
Përmes një kërkesë që do të shqyrtohet në orën 15:00 nga gjyqtari i posaçëm Erion Çela , ish-numri i dy i qeverisë kërkon konstatitimin e shuarjes së masës së sigurisë pezullimin nga ushtrimi i funksioneve.
Avokatët argumentojnë në kërkesë se masa ndaluese nuk ka asnjë efekt në rastin e Belinda Ballukut, për shkak se ajo është shkarkuar nga funksionet si zv.kryeministre dhe Ministër.
Ndaj deputetes së qarkut të Fierit është caktuar masa e sigurisë “ndalim për të dalë jashtë vendit” e cila vijon të mbetet në fuqi, të paktën derisa Gjykata e Lartë të shqyrtojë rekursin e bërë nga Balluku. Kjo e fundit po hetohet nga SPAK për abuzime me tenderat e rrugëve në vlera miliona euro.
