Avokatja e Popullit Erinda Ballanca dhe dy komisionerët Ahmet Prenci dhe Besnik Deda vizituan në ambientetet e paraburgimit në Durrës, kryebashkiakun e Tiranës, Erion Veliaj, i cili po mbahet në nën arrest që prej 10 shkurtit 2025.
Avokati i Popullit ka çelur një hetim pas ankesës së Veliajt për trajtim jodinjitoz në paraburgim, për këtë arsye është marrë kontakt me të në qelitë e burgut. Veliaj akuzohet nga SPAK për 13 akuza penale, më e rënda ajo e korrupsionit, ndërsa nën akuzë janë edhe bashkëshortja dhe 28 të pandehur të tjerë. Tri ditë më parë, gjykata Kushtetuese pranoi kërkesën e Veliajt, duke konsideruar të paligjshëm shkarkimin dhe duke e rikthyer në detyrën e kryebashkiakut.
