Deputeti i Partisë Socialiste Erion Braçe, është vetëofruar për të kandiduar për Bashkinë e Tiranë në zgjedhjet vendore të vitit 2027.
Sipas burimeve, gjatë një takimi të Asamblesë së PS në njësinë numër 5, të zhvilluar mbrëmjen e djeshme, Braçe ka shprehur gatishmërinë për të hyrë në garë për drejtimin e kryeqytetit.
Deklarata e tij vjen vetëm një ditë pasi VNA raportoi se deputeti socialist i kishte kërkuar Komisioni Qendror i Zgjedhjeve rezultatet e tij elektorale që nga zgjedhjet e vitit 1992 e në vijim, një lëvizje që u interpretua si një përgatitje për një sfidë të re elektorale.
Megjithatë, në radhët e socialistëve prej kohësh qarkullon një tjetër emër për garën e Tiranës. Qartas Edi Rama e ka “vulosur” si kandidate potenciale të PS për kryeqytetin Ogerta Manastirliun.
Prej disa muajsh ajo është parë disa ditë në javë në takime të shpeshta me qytetarë dhe struktura të partisë në kryeqytet, një lëvizje që brenda PS interpretohet si një testim i terrenit elektoral për zgjedhjet vendore të vitit 2027.
Në këtë kontekst, vetëofrimi i Braçes duket më shumë si një sinjal politik brenda partisë, në një kohë kur gara për kandidaturën e Tiranës ka nisur shumë përpara se të hapet zyrtarisht fushata.
