Shqipëria është një autokraci. Jo, nuk është një titull i raportit të radhës të Freedom House apo një rezolutë e Departamentit të Shtetit. Është përfundimi që, sipas deputetit të PD-së Besart Xhaferi, partnerët amerikanë e kanë pranuar me zë të ulët, por të qartë, gjatë një takimi që ka zhvilluar me deputetë të rinj të parlamentit.
Në një intervistë për A2CNN, Xhaferi tregoi se është pyetur nga përfaqësues të SHBA mbi pritshmëritë nga jeta parlamentare. Përgjigjja e tij ishte e prerë: “Nuk ka”. Dhe më pas shpjegoi: “Sot Rama është edhe kryetar bashkie i gjithë Shqipërisë”. Në të njëjtën frymë, ai theksoi nevojën për reformë territoriale dhe lista të hapura, ndërsa biseda nuk preku lidershipin e opozitës.
Sipas Xhaferit, diplomatët amerikanë nuk e artikuluan hapur, por mes rreshtave e pranuan: Shqipëria është një autokraci. Mesa duket, ambasada e frikësuar ka gjetur deputetin e ri të PD-së për të dhënë mesazhe të koduara.
