Barnat kundër diabetit dhe obezitetit si Ozempic, Mounjaro dhe Wegovy kanë revolucionarizuar trajtimin e diabetit dhe humbjes në peshë, por studiuesit po hetojnë tani edhe efektet e mundshme në shikim.
Një projekt i ri kërkimor i quajtur “Godot”, i udhëhequr nga Universiteti i Padovës, po analizon nëse këto barna mund të lidhen në raste të rralla me dëmtime të retinës, degenerim makular apo humbje të përhershme të shikimit.
Sipas studiuesve, dyshimet janë ngritur pas sinjaleve të farmacovigjilencës ndërkombëtare dhe disa rasteve të raportuara, mes tyre edhe ai i këngëtarit britanik Robbie Williams.
Shkencëtarët po hetojnë nëse ulja shumë e shpejtë e glicemisë nga këto barna mund të shkaktojë dëmtime në enët e vogla të gjakut në sy, sidomos te pacientët më të brishtë.
Studimi do të përfshijë 68 pacientë me diabet, të cilët do të monitorohen para dhe pas nisjes së terapisë me agonistët GLP-1, përmes teknologjive shumë të avancuara të imazherisë okulare.
Megjithatë, studiuesit theksojnë se për shumicën dërrmuese të pacientëve përfitimet e këtyre barnave vazhdojnë të jenë shumë më të mëdha se rreziqet.
