Pamela Anderson dhe Liam Neeson duket se kanë krijuar një lidhje të veçantë gjatë xhirimeve të filmit të ri komedi-aksion “Naked Gun”. Shkrimtari Doug Mand ka zbuluar se që nga fillimi i xhirimeve, dy aktorët kanë treguar një kimi të jashtëzakonshme dhe pëlqim të ndërsjellë.
Në këtë remake, Neeson interpreton Frank Drebin Jr., djalin e personazhit legjendar të luajtur nga Leslie Nielsen, ndërsa Anderson luan rolin e Beth. Burime për People pohojnë se dyshja janë në fazat e para të një lidhjeje dhe “duken të dashuruar”.
Neeson e ka quajtur Anderson “të jashtëzakonshme” dhe një aktore të mrekullueshme, ndërsa ajo e ka vlerësuar si një “artist të vërtetë”. Edhe pse nuk e kanë konfirmuar zyrtarisht romancën, të dy po e lënë hapur hapësirën për spekulime.
