Princi William dhe Princesha Kate do të shpërngulen në një shtëpi të re familjare në Windsor, duke nisur një kapitull të ri pas një periudhe sfiduese shëndetësore për Princeshën e Uellsit.
Çifti mbretëror, bashkë me tre fëmijët – George, Charlotte dhe Louis – do të jetojnë në Forest Lodge, një rezidencë me tetë dhoma gjumi brenda Parkut të Madh të Windsor-it.
Pas jetesës në Adelaide Cottage që nga viti 2022, burime pranë familjes mbretërore thonë se kjo lëvizje vjen si nevojë për një “fillim të ri” dhe më shumë qetësi familjare.
Forest Lodge pritet të jetë shtëpia e përhershme e çiftit edhe kur William dhe Kate të bëhen Mbret dhe Mbretëreshë. Ata do ta financojnë vetë zhvendosjen dhe do të paguajnë qira të plotë për shtëpinë, ndërsa nuk do të kenë staf që jeton me ta, duke ruajtur një stil jete sa më privat.Fëmijët do të vazhdojnë shkollimin në Lambrook, ku ndihen tashmë të integruar dhe të lumtur.
