Lady Gaga, Bruno Mars dhe Kendrick Lamar kryesojnë listën e nominimeve për çmimet prestigjioze MTV Video Music Awards (VMAs) të këtij viti në SHBA.
Sabrina Carpenter dhe Ariana Grande renditen gjithashtu mes artistëve më të nominuar për eventin që do të mbahet më 7 shtator në UBS Arena në Nju Jork.
Beyoncé dhe Taylor Swift – që mbajnë rekordin për më shumë fitore në historinë e VMA-ve me nga 30 çmime secila – janë nominuar këtë vit vetëm në kategorinë “Artisti i Vitit”. Asnjëra prej tyre nuk ka publikuar një album gjatë vitit të fundit, por të dyja kanë realizuar turne gjigantë ndërkombëtarë.
Taylor Swift mban rekordin për më shumë trofe “Moonman” si artiste solo, ndërsa suksesi i Beyoncé përfshin edhe bashkëpunime me artistë të tjerë. Vitin e kaluar, Swift ishte fituesja më e madhe e mbrëmjes, me shtatë çmime, përfshirë “Artistin e Vitit” dhe “Videon e Vitit”.
Për edicionin 2025:
Lady Gaga udhëheq me 12 nominime, përfshirë “Artistin e Vitit” dhe “Albumin më të Mirë” për projektin Mayhem.
Bruno Mars ndjek me 11 nominime,
Kendrick Lamar me 10,
dhe Sabrina Carpenter me 8, mes tyre për hitin Espresso.Kënga Die With A Smile, një bashkëpunim mes Lady Gaga dhe Bruno Mars, është nominuar për “Këngën e Vitit”, si dhe në kategoritë “Bashkëpunimi më i Mirë”, “Pop më i Mirë” dhe “Videoja e Vitit”.
Këtë vit, ceremonia do të sjellë edhe dy kategori të reja: “Artisti më i Mirë i Popit” dhe “Kënga më e Mirë Country”.
Ndërkohë, nuk ka ende njoftime për MTV Europe Music Awards, pasi raportohet se edicioni i këtij viti është pezulluar.
