Jeff Bezos dhe bashkëshortja e tij, Lauren Sanchez, po kërkojnë mbi 160 mijë euro nga Michael Sanchez, vëllai i Lauren-it, për të mbuluar kostot e një procesi gjyqësor që ka zgjatur prej disa vitesh.
Sipas dokumenteve të paraqitura në Gjykatën e Lartë të Kalifornisë më 28 korrik, çifti kërkon 155 mijë euro për tarifat e avokatëve dhe 5 mijë euro për shpenzime të tjera gjyqësore, duke akuzuar Michael për ngritjen e padive “të kota” dhe të destinuara të dështonin që në fillim.
Konflikti familjar nisi pas divorcit të Bezos nga MacKenzie Scott dhe publikimit të marrëdhënies së tij me Sanchez. Situata u tensionua më tej kur “National Enquirer” dyshohet se kërcënoi të publikonte foto intime të Bezos. Michael Sanchez e paditi Bezosin në vitin 2020 për shpifje, por humbi çështjen në gjykatë.
Kërkesa për kompensim vjen pak pas dasmës luksoze tre-ditore të çiftit në Venecia, me vlerë 40 milionë euro, ku Michael nuk ishte i ftuar. Në një deklaratë, ai i quajti Bezos dhe Lauren “gënjeshtarë” dhe sistemin e drejtësisë “të korruptuar”.
